தீபாவளி வாழ்த்துக்கள் ..Deepavali wishes.

Our Deepavali Wishes 

People Of Thambiluvil Thirukkovil

thambiluvil@gmail.com

--
People Of Thambiluvil www.thirukkovil.com 

இன்னும் ஓரிரு மாதங்களில் நிலவுக்கு இந்திய விண்கலம்

இன்னும் ஓரிரு மாதங்களில் நிலவுக்கு இந்தியாவின் முதல் ஆளில்லா விண்கலம் அனுப்பப்படும்.

அக்டோபர் இறுதியில் அல்லது டிசம்பர் தொடக்கத்தில் இந்த விண்கலம் அனுப்பப்படும் என்று இந்திய விண்வெளி ஆராய்ச்சி மைய முன்னாள் தலைவர் கஸ்தூரிரங்கன் கூறினார்.  "நிலவுக்குப் பயணம்' என்ற தலைப்பிலான புத்தகத்தை தில்லியில் நடைபெற்ற விழாவில் வெளியிட்டுப் பேசும்போது அவர் இத் தகவலைக் கூறினார்.
--
People Of Thambiluvil

நிறைவடைந்தது பீஜிங் ஒலிம்பிக்

கடந்த 16 நாட்களாக உலகின் கவனத்தைத் தன் பக்கம் இழுத்து வைத்திருந்த பெய்ஜிங் ஒலிம்பிக் போட்டிகள், கோலாகலமான நிறைவு விழா நிகழ்ச்சிகளுடன் ஆகஸ்டு 24 அன்று நிறைவடைந்தன.

உலகின் பார்வையைத் தன் வசம் வைத்திருந்த ஒலிம்பிக் விளையாட்டுப் போட்டிகள் இன்றுடன் வெற்றிகரமாக நிறைவு பெற்றன. கடைசி நாளான ஆகஸ்டு 24 அன்று தடகளம், கூடைப் பந்து, குத்துச் சண்டை, ரித்மிக் ஜின்னாஸ்டிக், கால்பந்து, வாட்டர்போலோ ஆகிய பிரிவுகளில் 12 தங்கப் பதக்கங்களுக்கான போட்டிகள் நடந்தன.

தொடக்க நிகழ்ச்சியில் 15,000 கலைஞர்கள் அற்புதமான நிகழ்ச்சிகளை நடத்திக் காட்டி பிரமிக்க வைத்தனர். நிறைவு விழாவில் 7,000 கலைஞர்கள் கலை நிகழ்ச்சிகளை நடத்தினர். 204 நாடுகளைச் சேர்ந்த 10,500 விளையாட்டு வீர வீராங்கனைகள் இதில் பங்கேற்றனர்.

நான்கு ஆண்டுகளுக்கு ஒருமுறை நடைபெறும் உலக விளையாட்டுத் திருவிழாவான ஒலிம்பிக் போட்டிகள், இந்த ஆண்டு பெய்ஜிங் நகரில் நடந்தன.

--

Photo Gallery>>

Fireworks light up night sky during the Closing Ceremony for the Beijing 2008 Olympic Games on August 24, 2008 in Beijing, China.

People Of Thambiluvil

மகளிர் டென்னிஸ் தரவரிசையில் இவானோவிச் முதலிடம்!

உலக மகளிர் டென்னிஸ் தரவரிசையில் செர்பிய வீராங்கனை இவானோவிச் விம்பிள்டனில் தோல்வி தழுவி வெளியேறினாலும் 3828 புள்ளிகளுடன் தொடர்ந்து முதலிடம் வகிக்கிறார்.

சமீபத்தில் வெளியிடப்பட்ட தரவரிசைப் பட்டிய‌லில் முதல் 20 இடங்களில் உள்ள வீராங்கனைகள் வருமாறு:

1. அனா இவானோவிச் (செர்பியா)- 3828 புள்ளிகள்

2. ஜெலெனா ஜான்கோவிச் (செர்பியா) - 3685 புள்ளிகள்

3. மரியா ஷரபோவா (ரஷ்யா) - 3626 புள்ளிகள்

4. ஸ்வெட்லானா குஸ்னெட்சோவா (ரஷ்யா) - 3455 புள்ளிகள்

5. செரினா வில்லியம்ஸ் (அமெரிக்கா) - 3126 புள்ளிகள்

6. எலெனா டீமென்டீவா (ரஷ்யா) - 3105 புள்ளிகள்

7. வீனஸ் வில்லியம்ஸ் (அமெரிக்கா) - 2606 புள்ளிகள்

8. அன்னா சக்வெடாட்சே (ரஷ்யா) - 2486 புள்ளிகள்

9. தினாரா சஃபினா (ரஷ்யா) - 2287 புள்ளிகள்

10. அக்னியெஸ்கா ராத்வான்ஸ்கா (போலந்து) 2141 புள்ளிகள்

11. வெரா ஸ்வொனரேவா (ரஷ்யா)- 1972 புள்ளிகள்

12.டேனியலா ஹண்டுசோவா (ஸ்லோவாகியா)- 1927 புள்ளிகள்

13. பேட்டி ஸ்னைடர் (சுவிஸ்.)- 1802 புள்ளிகள்

14. ஆக்னெஸ் ஸாவேய் (ஹங்கேரி)- 1694 புள்ளிகள்

15. மரியோன் பர்தோலி (பிரான்ஸ்)- 1420 புள்ளிகள்

16. விக்டோரியா அஸரென்கா (பெலாரஸ்)- 1386 புள்ளிகள்

17. நாடியா பெட்ரோவா (ரஷ்யா)- 1321 புள்ளிகள்

18. அலிஸ் கார்னெட் (பிரான்ஸ்) - 1312 புள்ளிகள்

19. மரியா கிரிலென்கோ (ரஷ்யா) - 1208 புள்ளிகள்

20. பிரான்செஸ்கா ஷியாவோன் (இத்தாலி)- 1201 புள்ளிகள்

--
People Of Thambiluvil

பயஸ்-பூபதி இணைக்கு முதலாம் தரவரிசை

அமெரிக்காவில் உள்ள இண்டியானாபோலிஸில் நடைபெறும் டென்னிஸ் தொடர் ஆடவர் இரட்டையர் பிரிவில் இந்திய இணையான லியாண்டர் பயஸ்-மகேஷ் பூபதி இணைக்கு முதலாம் தரவரிசை வழங்கப்பட்டுள்ளது.

பீஜிங் ஒலிம்பிக் போட்டிகளுக்குக் முன்னால் இவர்கள் இருவரும் விளையாடும் கடைசி ஏ.டி.பி. டென்னிஸ் தொடர் இது என்பது குறிப்பிடத்தக்கது.

விம்பிள்டனுக்கு முந்தைய ஹாலந்து டென்னிஸ் தொடரில் இவர்கள் இணைந்து விளையாடி இரட்டையர் இறுதி போட்டியில் தோல்வி தழுவினர்.

இண்டியானாபோலீஸ் டென்னிஸ் தொடரில் இவர்கள் முதல் சுற்றில் நாளை கனடா நாட்டு இரட்டையர் இணையான டேனியல் நெஸ்டர்-ஃபிரெடெரிக் நைமேயர் இணையை எதிர்கொள்கின்றனர்.

மற்றொரு ஆடவர் இரட்டையர் இணையான போபண்ணா-குரேஷி இணை முதல் சுற்றில் ரஷ்யாவின் இரட்டையர் இணையான குனிட்சிந்டுர்சுனோவ் இணையை எதிர்கொள்கின்றனர்.

ஸ்டான்ஃபோர்டில் நடைபெறும் மற்றொரு டென்னிஸ் தொடரில் சானியா மிர்சா ஒற்றையர் முதல் சுற்றில் பிரிட்டனின் ஆன்னி கியோதவாங் என்ற வீராங்கனை எதிர் கொள்கிறார். இதில் வெற்றி பெற்றால் 2-வது சுற்றில் பிரான்ஸ் வீராங்கனை மரியோன் பர்தோலியை எதிர்கொள்வார்.

அதே போல் இரட்டையர் பிரிவில் சானியா மிர்சா-அன்னா சக்வெடாட்சே இணை செக். இணையான ஈவா ஹிருதினோவா- விளாதிமிர் உலிரோவா இணையை முதல் சுற்றில் எதிர்கொள்கின்றனர்.
--
People Of Thambiluvil

2வது சுற்றுக்கு சானியா முன்னேற்றம்

PTI Photo FILE அமெரிக்காவின் லாஸ்ஏஞ்சல்ஸ் நகரில் நடந்து வரும் ஈஸ்ட் வெஸ்ட் பேங்க் கிளாஸிக் டென்னிஸ் தொடரின் மகளிர் பிரிவு 2வது சுற்றுக்கு இந்தியாவின் சானியா மிர்சா முன்னேறி உள்ளார். இப்போட்டியின் முதல் சுற்றில் செக் குடியரசைச் சேர்ந்த இவா ஹிடினோவாவுடன் மோதிய சானியா, 6-3, 6-4 என்ற நேர் செட்களில் வெற்றி பெற்றார். சுமார் ஒரு மணி நேரம் 7 நிமிடத்திற்குள்ளாக முடிந்த இப்போட்டியில், முதல் செட்டை 30 நிமிடங்களில் சானியா கைப்பற்றினார். உக்ரைன் வீராங்கனை க‌திரினா, சீன வீராங்கனை மெங் யுவான் இடையே நடைபெறும் போட்டியில் வெற்றி பெறுபவர்களுடன், சானியா 2வது சுற்றில் மோதுவார் என்பது குறிப்பிடத்தக்கது

--
People Of Thambiluvil

ஒலிம்பிக் 100 மீட்டர் ஓட்டம்: போல்ட் உலக சாதனை!

PTI Photo FILE

பீஜிங் ஒலிம்பிக் தொடரில் உலகின் அதிவேக ஓட்டப்பந்தய வீரரை அறிமுகப்படுத்தும் 100 மீட்டர் இறுதிப் போட்டியில், ஜமைக்கா வீரர் யுசைன் போல்ட் பந்தய தூரத்தை 9.69 விநாடிகளில் கடந்து புதிய உலக சாதனை படைத்தார்.

சற்றுமுன் (இந்திய நேரப்படி 8 மணியளவில்) நடந்து முடிந்த இப்போட்டியில், ரசிகர்களால் பெரிதும் எதிர்பார்க்கப்பட்ட அசாஃபா பாவல் 5வது இடத்தையே பிடித்தார்.

100 மீட்டர் ஓட்டத்தின் இறுதிப்போட்டியில் யுசைன் போல்ட், மற்றொரு ஜமைக்கா வீரர் அசாஃபா பாவல் உள்ளிட்ட 8 பேர் பங்கேற்றனர். அமெரிக்காவின் டைசன்-கே தகுதிச்சுற்றில் பந்தய தூரத்தை 10.05 நொடிகளில் கடந்த காரணத்தால் இறுதிச்சுற்றுக்கு தகுதி பெறவில்லை.

போட்டி துவங்கிய 3 நொடிகளுக்கு உள்ளாகவே போல்ட் முன்னிலை பெற்றார். 6வது, 7வது நொடியில் மற்ற வீரர்களைக் காட்டிலும் போல்ட் வெகு தூரம் முன்னேறினார். தங்கத்தை வெல்வது உறுதி என்று தெரிந்தவுடன், போட்டி முடிவதற்கு முன்பாகவே தனது நெஞ்சில் கையை தட்டி ரசிகர்களை ஆச்சரியத்தில் ஆழ்த்தினார்.

முடிவில் 9.69 நொடிகளில் பந்தய தூரத்தைக் கடந்து யுசைன் போல்ட் தங்கப் பதக்கத்தை வென்றார். டிரிடினாட்-டொபாகோ நாட்டைச் சேர்ந்த ரிச்சர்ட் தாம்ஸன் (9.89 விநாடி) வெள்ளிப் பதக்கத்தையும், அமெரிக்க வீரர் வால்டர் டிக்ஸ் (9.91 விநாடி) வெண்கலப் பதக்கத்தையும் தட்டிச் சென்றனர்.

இப்போட்டியில் போல்ட்-க்கு கடும் சவாலாக விளங்குவார் என எதிர்பார்க்கப்பட்ட அசாஃபா பாவல் பந்தய தூரத்தை 9.95 நொடிகளில் கடந்து 5வது இடத்தையே பிடித்தார்.

--
People Of Thambiluvil

மைக்கேல் பெல்ப்ஸ்... ஓர் அசாத்திய வீரரின் சிறப்புகள்!

PTI Photo FILE பீஜிங்கில் ஒலிம்பிக் போட்டியில் 5 தங்கப் பதக்கங்கள் (ஆகஸ்ட் 13ஆம் தேதி நிலவரப்படி) வென்றதன் மூலம் மொத்தம் 11 ஒலிம்பிக் தங்கங்களை வென்று உலகின் தலைசிறந்த ஒலிம்பிக் நீச்சல் வீரர் என்ற பெருமையைப் பெற்றுள்ள மைக்கேல் பெல்ப்ஸ் சாதாரண குடும்பத்தில் பிறந்தவர். தந்தை ஃப்ரெட் காவல்துறை அதிகாரி. தாய் டெப்பி ஆசிரியை. பெல்ப்சின் மூத்த சகோதரி விட்னியும் நீச்சல் வீராங்கனை. பெல்ப்ஸுக்கு 7 வயதாக இருந்த போதே அவரது பெற்றோர் கருத்து வேறுபாடு காரணமாக பிரிந்து விட்டனர். பயிற்சியாளர் பாப் பவ்மென், 11 வயதில் மைக்கேல் பெல்ப்ஸ்-ஐ பார்த்தார். அந்த கணமே பவ்மெனின் மனதில், பெல்பஸ் உலக சாம்பியனாக நிச்சயம் வருவார் எனத் தெரிந்து விட்டது. இதையடுத்து அவரது பெற்றோரிடம் பேசிய பவ்மென், "பெல்ப்ஸ் மனது வைத்தால் உலகின் தலைசிறந்த நீச்சல் வீரனாக முன்னேற முடியும்" என தன் மனதில் தோன்றியதை பக்குவமாக எடுத்துரைத்தார். அவர் அன்று சொன்ன வார்த்தை, ஆகஸ்ட் 13ஆம் தேதி உலகமே வியக்கும் வண்ணம் பீஜிங்கில் நிறைவேறியுள்ளது. PTI Photo FILE வெற்றியின் ரகசியம்: போட்டியிடும் மனப்பான்மை, மிக சிறப்பான உடல் தகுதியே பெல்ப்ஸ் சாதனையின் ரகசியம் என்று பயிற்சியாளர் பாப் பவ்மென் கூறியுள்ளார். உடல் தகுதி என்று பவ்மென் குறிப்பிட்டத்தை கூர்ந்து கவனித்தால் அதன் உள் அர்த்தம் புரியும். ஒரு காமிக்ஸ் புத்தகத்தில் வரையப்படும் கதாபாத்திரம் போல் செதுக்கப்பட்ட உடல், அகண்ட தோள்கள், மிகக் குள்ளமான கால்கள் உள்ளிட்ட உடல் அம்சங்கள் நீச்சலில் அவருக்கு பேருதவியாக இருந்துள்ளது. மொத்தம் 6 அடி 4 அங்குலம் உயரமுடைய பெல்ப்ஸ்-ன் கைகள் மற்றவர்களைக் காட்டிலும் சற்றே நீளமானது என்பதால், உயரத்திற்கு ஏற்ற அளவை விட 3 அங்குலம் கூடுதலான தூரத்தை எட்டக் கூடிய சிறப்புத் தகுதியை பெல்ப்ஸ் பெற்றிருந்தார் என்பது சிலருக்கே தெரிந்த விஷயம். நீச்சல் போட்டிகளில் ஒரு முனையில் இருந்து மறுமுனைக்கு செல்லும் வீரர்கள் அங்கிருந்து திரும்பி வர நீருக்குள்ளேயே ஒரு குட்டிக்கரணம் அடித்து கால்களால் சுவரை உதைத்து ஒரு உந்துதலை உருவாக்கி மீண்டும் நீந்திச் செல்வர். இந்த விஷயத்திலும் பெல்ப்ஸ் சற்றே வித்தியாசமானவர். மற்ற நீச்சல் வீரர்களைப் போல் குட்டிக்கரணம் அடிக்கும் போது பெல்ப்ஸ் அதிக ஆழத்திற்கு செல்ல மாட்டார். நீரின் மேல்மட்டத்தில் இருப்பதால் நீரின் ஈர்ப்பு விசை மிகக் குறைவாக இருக்கும். இதன் காரணமாக மற்ற வீரர்கள் கால்களால் சுவரை உதைத்து...

--
People Of Thambiluvil

மைக்ரோசொப்டின் இணையத்தள தேர்வில் உலக சாதனை படைத்த 8 வயது மாணவி

  கடந்த மாதம் மைக்ரோசொப்ட் நிறுவனம் நடத்திய இணையத் தள தேர்வில் 1000க்கு 842 புள்ளிகளைப் பெற்று முதல் வகுப்பில் தேர்ச்சி அடைந்து மதுரையைச் சேர்ந்த மாணவி ஒருவர் உலக சாதனை புரிந்துள்ளார்.

கலை, கவிதை, பாட்டு, ஒவியம், கணனி போன்ற பல துறைகளில் அபரிமிதமான ஆற்றல் பெற்றவர்களுக்கு இளம் வயது சாதனையாளர் விருது வழங்கப்படுவது வழக்கம். இதனை 13 வயதுக்கு உட்பட்டவர்கள் பெற முடியும்.

அந்த வகையில், தனது 6ஆவது வயதில் கணனி அனிமேஷன், மல்டிமீடியா துறையில் பல்வேறு படிப்புகளை பூர்த்தி செய்துள்ள லவிணாஸ் (தற்போது 8 வயது) அகிட்பீடியா மற்றும் ரிலையன்ஸ் இணைய உலகம் நடத்திய இணையத் தள தேர்வில் வெற்றி பெற்றுள்ளார்.

மேலும் கணனித் துறையில் அதி விசேட திறமை விருதும் பெற்றுள்ளார். இவர் கடந்த மாதம் மைக்ரோசொப்ட் நிறுவனம் நடத்திய இணையத் தள தேர்வில் அதிக புள்ளிகளைப் பெற்று முதல் வகுப்பில் தேர்ச்சி அடைந்து உலக சாதனை புரிந்துள்ளார். இதற்காக அவருக்கு எம்.சி.பி.. சான்றிதழ் வழங்கப்பட்டது.

இது குறித்து லவிணாஸ் கூறியதாவது: இது, கணனி பயிலும் மாணவர்களின் கணிக்கும் திறன், ஆங்கிலம் நுண்ணறிவுத் திறன், தொழில் நுட்பதிறன் உள்ளிட்ட பல திறமைகளை சோதிக்கும் தேர்வு ஆகும். இதற்கு 25 முதல் 30 வயதுள்ள மாணவர்கள் தோற்றுவது வழக்கம்.

முன்பு பாகிஸ்தான் நாட்டை சேர்ந்த ஆர்பாகரிம் ரந்தாவா என்ற சிறுமி தனது 10ஆவது வயதில் இத்தேர்வை எழுதி வெற்றி பெற்றது சாதனையாக இருந்தது. ஆனால் தற்போது நான் 8 வயதிலேயே தேர்ச்சி பெற்று உலக சாதனை புரிந்துள்ளேன் என்றார்

--
People Of Thambiluvil

ஒலிம்பிக்: தங்கம் வென்றார் அபினவ் பிந்த்ரா-வரலாறும் படைத்தார்

 

பெய்ஜிங்: ஒலிம்பிக் துப்பாக்கிச் சுடுதல் போட்டியில், 10 மீட்டர் ஏர் ரைபிள் பிரிவில் இந்தியாவின் அபினவ் பிந்த்ரா தங்கப் பதக்கம் வென்று சாதனை படைத்துள்ளார். 28 ஆண்டுகளுக்குப் பிறகு இந்தியாவுக்குக் கிடைத்துள்ள ஒலிம்பிக் தங்கம் இது. மேலும் தனி நபர் ஒருவர் இந்தியாவுக்காக தங்கம் வென்றதும் இதுவே முதல் முறையாகும்.

ஒலிம்பிக் போட்டிகள் தொடங்கிய நாள் முதலே இந்தியாவுக்கு ஏற்றமும், இறக்கமும் மாறி மாறி வந்து கொண்டிருந்தது.

இந்த நிலையில் இன்றைய காலை இந்தியாவுக்கு தங்கமான காலையாக புலர்ந்துள்ளது. ஆடவர் 10 மீட்டர் ஏர் ரைபிள் பிரிவில் இந்தியாவின் அபினவ் பிந்த்ரா தங்கப் பதக்கத்தை தட்டி புதிய வரலாறு படைத்தார்.

தகுதிச் சுற்றில் 500 புள்ளிகள் வென்று இறுதிச் சுற்றுக்குள் நுழைந்த பிந்த்ரா, அதில் 700.5 புள்ளிகள் வென்று முதலிடத்தைப் பிடித்து தங்கப் பதக்கத்தை வென்றார்.

சீனாவின் கியூனான் சூ வெள்ளி பதக்கமும், பின்லாந்தின் ஹென்றி ஹாக்கினன் வெண்கலப் பதக்கமும் வென்றனர்.

28 ஆண்டுகளுக்குப் பிறகு ...

இந்தியாவுக்கு ஒலிம்பிக் போட்டியில் தங்கப் பதக்கம் கிடைத்திருப்பது கிட்டத்தட்ட 28 ஆண்டுகளுக்குப் பிறகு நடந்துள்ளது குறிப்பிடத்தக்கது.

கடைசியாக இந்தியா, 1980ம் ஆண்டு மாஸ்கோவில் நடந்த ஒலிம்பிக் போட்டியில் ஹாக்கியில் தங்கம் வென்றிருந்தது. அதன் பின்னர் இந்தியாவுக்கும், தங்கப் பதக்கத்திற்கும் வெகு தூரமாகி விட்டது.

லியாண்டர் பயஸ் - மகேஷ் பூபதி தங்கப் பதக்கத்தை வெல்லும் வாய்ப்பை கடந்த ஒலிம்பிக் போட்டிகளில் நழுவ விட்டிருந்தது.

கடந்த ஒலிம்பிக்கில் மயிரிழையில் ராஜ்யவர்த்தன் ரத்தோர் தவற விட்டு வெள்ளிப் பதக்கம் வென்றார். இவரும் துப்பாக்கி சுடுதல் வீரர் என்பது குறிப்பிடத்தக்கது.அந்த வகையில், 28 ஆண்டு கால தங்கப் பதக்க வறட்சிக்கு இந்தியா தற்போது முற்றுப்புள்ளி வைத்து விட்டது.

முதல் வீரர்:

மேலும், ஒலிம்பிக் போட்டியில் தனி நபர் வீரர் யாரும் இந்தியாவுக்காக தங்கப் பதக்கம் வென்றதில்லை. அந்த வகையில் பிந்த்ரா புதிய வரலாற்றையும் படைத்துள்ளார்.

ஹரியாணா, மகாராஷ்டிரம், ம.பி. பரிசு:

தங்கம் வென்றுள்ள பிந்த்ராவுக்கு ஹரியாணா அரசு ரூ. 25 லட்சமும், மகாராஷ்டிர அரசு ரூ. 10 லட்சமும் பரிசு அறிவித்துள்ளன. அதே போல மத்திய பிரதேச அரசும் ரூ. 5 லட்சம் பரிசு அறிவித்துள்ளது.

சட்டீஸ்கர் முதல்வர் ரமன் சிங், பிந்த்ராவுக்கு ரூ. 1 லட்சம் பரிசளிக்கப்படும் என அறிவித்துள்ளார்.

ஜனாதிபதி பிரதமர், சோனியா வாழ்த்து:

தங்கப் பதக்கம் வென்ற அபினவ் பிந்த்ராவுக்கு குடியரசுத் தலைவர் பிரதீபா பாட்டீல், பிரதமர் மன்மோகன் சிங், காங்கிரஸ் தலைவர் சோனியா காந்தி, விளையாட்டுத்துறை அமைச்சர் எம்.எஸ்.கில் உள்ளிட்டோர் வாழ்த்து தெரிவித்துள்ளனர்.

அடக்கமான பிந்த்ரா:

தங்கப் பதக்கம் வென்றது குறித்து பிந்த்ரா கூறுகையில், இது எனக்குக் கிடைத்த வெற்றியல்ல, இந்தியாவுக்குக் கிடைத்த வெற்றி. இந்த விருதை என் பெற்றோர், குடும்பம், பயிற்சியாளர்களுக்கு சமர்பிக்கிறேன் என்று அடக்கத்துடன் கூறினார்.

இந்திய ஒலிம்பிக் சங்க தலைவர் சுரேஷ் கல்மாடி கூறுகையில், இந்திய வரலாற்றில் இது மிகவும் முக்கியமான நாள். பிந்த்ராவின் வெற்றியால் இந்தியாவுக்கே பெருமை கிடைத்து விட்டது என்றார்.

பிந்த்ரா சாதனை படைத்த அதே நேரத்தில் இந்தியாவின் இன்னொரு வீரரான ககன் நரங் இறுதிச் சுற்றுக்குத் தகுதி பெறவில்லை.

பிந்த்ரா பங்கேற்ற அதே பிரிவில்தான் நரங்கும் கலந்து கொண்டார். 600க்கு 595 என்ற புள்ளிகளையே அவர் பெற்றதால், இறுதிச் சுற்றுக்கு நரங் தகுதி பெற முடியாமல் போனது.

கிரிக்கெட் வாரியம் ரூ.25 லட்சம் பரிசு:

இந்திய கிரிக்கெட் வாரியமும் பிந்த்ராவுக்கு பரிசுத் தொகையை அறிவித்துள்ளது.

இதுகுறித்து கிரிக்கெட் வாரியத் தலைவர் சரத்பவார் வெளியிட்டுள்ள அறிக்கையில், பிந்த்ராவுக்கு இதயப்பூர்வ வாழ்த்துக்கள். நாட்டுக்கு அவர் பெருமை தேடித் தந்துள்ளார். இந்திய விளையாட்டுத் துறைக்கு புதிய பெருமையை ஏற்படுத்தியுள்ளார். அவருக்கு இந்திய கிரிக்கெட் வாரியம் சார்பில் ரூ. 25 லட்சம் பரிசளிக்கப்படும் என்று கூறியுள்ளார்.

ஜெ. வாழ்த்து:

பிந்த்ராவுக்கு அதிமுக பொதுச் செயலாளர் ஜெயலலிதாவும் வாழ்த்துக்களை தெரிவித்துள்ளார்.

இதுகுறித்து அவர் வெளியிட்டுள்ள வாழ்த்து செய்தியில்,

இந்தியாவுக்கு பெருமை சேர்த்த அபினவுக்கு வெற்றியும் புகழும் வரும் காலத்திலும் தொடர தமிழக மக்கள் சார்பில் வாழ்த்துகிறேன்.

போட்டியின் இறுதியில் கடுமையான சூழல்நிலையை தைரியமாக எதிர்க் கொண்டது அபினவ்வின் தெளிவை காட்டுகிறது. 'வெற்றிகள் தொடரட்டும். உங்களின் வெற்றி எங்களுக்கு பெருமை அளிக்கிறது' என்று கூறியுள்ளார்.
--
People Of Thambiluvil

பீஜிங் ஒலிம்பிக் இன்று துவக்கம்!

உலகமே ஆவலுடன் எதிர்ப்பா‌ர்த்திருந்த பீஜிங் ஒலிம்பிக் போட்டிகள் இன்று இரவு 8 மணிக்கு துவங்குகிறது. இதையொட்டி மாலை 5.45 மணிக்கு பீஜிங் பறவைக்கூடு மைதானத்தில் கோலாகல துவக்க நிகழ்ச்சிகள் நடைபெறுகின்றன.

PTI Photo FILE

நான்கு ஆண்டுகளுக்கு ஒருமுறை நடத்தப்படும் ஒலிம்பிக் போட்டிகள், உலகின் தலைசிறந்த விளையாட்டுத் தொடராக விளங்கி வருகிறது. இதில் தங்கப் பதக்கம் வெல்லும் வீரர்களுக்கு உலகளவில் தலைசிறந்த வீரர் என்ற மகுடமும் கிடைக்கிறது.

இன்று (8ஆம் தேதி) துவங்கி 24ஆம் தேதி வரை நடைபெறும் இப்போட்டியில் மொத்தம் 205 நாடுகளைச் சேர்ந்த 10,700 விளையாட்டு வீரர்கள் பங்கேற்கின்றனர். 2008 ஒலிம்பிக் போட்டிக்காக மொத்தம் 37 விளையாட்டு மைதானங்கள் தயார் செய்யப்பட்டுள்ளன. இவற்றில் 31 பீஜிங்கில் உள்ளது.

இப்போட்டிகளை கண்டு ரசிக்க அய‌ல்நாட்டில் இருந்து 5 லட்சம் சுற்றுலா பயணிகள் பீஜிங்கிற்கு வருவார்கள் என கணிக்கப்பட்டுள்ளது. ஒலிம்பிக் போட்டிகளை நடத்துவதற்காக சீன அரசின் சார்பில் 40 பில்லியன் டாலர் (ஒரு பில்லியன் 100 கோடிக்கு சமம்) செலவிடப்பட்டுள்ளது.

இன்று மாலை மாலை 5.45 மணியளவில் துவங்கும் முதல்கட்ட துவக்க விழா ஒரு மணி நேரம் 15 நிமிடங்கள் நடக்கிறது. இதில் அந்நாட்டு தேசிய மற்றும் உள்ளூர் அளவில் 28 கலாசார நிகழ்ச்சிகள் இடம்பெறுகின்றன. இந்தக் கலைநிகழ்ச்சிகளில் 15,000 கலைஞர்கள் பங்கேற்க உள்ளனர்.

இதைத் தொடர்ந்து 7 மணியளவில் பார்வையாளர்கள் அனைவரும் ஒருங்கிணைக்கப்பட்டு, 7.56 மணியளவில் ஒலிம்பிக் போட்டிக்கான இறுதி கவுண்ட்-டவுன் துவங்குகிறது. சரியாக 8 மணிக்கு துவங்கும் ஒலிம்பிக் முக்கிய துவக்க விழா நள்ளிரவு 11.30 மணி வரை நடைபெறும் எனத் தெரிவிக்கப்பட்டுள்ளது.

இதில் 5.45 மணியளவில் துவங்கும் முதற்கட்ட துவக்க விழாவில் ஒலிம்பிக் வளையங்கள் அணிவகுப்பு, போட்டியில் பங்கேற்கும் பல்வேறு சர்வதேச நாடுகளின் தேசியக் கொடி அணிவகுப்பு மற்றும் தேசிய கீதம் பாடுவது உள்ளிட்ட நிகழ்ச்சிகள் 14 நிமிடங்கள் நடைபெறும். இதைத் தொடர்ந்து 2 கட்டங்களாக வண்ணமிகு கலைநிகழ்ச்சிகள் இடம்பெறும்.

துவக்க விழாவின் இறுதி 2 மணி நேரத்தில் வீரர்களின் அணிவகுப்புக்கு இடையே கண்ணைக் கவரும் ஒளியுடன் கூடிய வாண வேடிக்கை நடைபெறும் எனத் தெரிவிக்கப்பட்டுள்ளது.

--
People Of Thambiluvil

--
Posted By thambiluvil to இலங்கை மற்றும் உலக செய்திகள். at 8/08/2008 06:36:00 AM

--
People Of Thambiluvil

பீஜிங் ஒலிம்பிக் இன்று துவக்கம்!

உலகமே ஆவலுடன் எதிர்ப்பா‌ர்த்திருந்த பீஜிங் ஒலிம்பிக் போட்டிகள் இன்று இரவு 8 மணிக்கு துவங்குகிறது. இதையொட்டி மாலை 5.45 மணிக்கு பீஜிங் பறவைக்கூடு மைதானத்தில் கோலாகல துவக்க நிகழ்ச்சிகள் நடைபெறுகின்றன.

PTI Photo FILE

நான்கு ஆண்டுகளுக்கு ஒருமுறை நடத்தப்படும் ஒலிம்பிக் போட்டிகள், உலகின் தலைசிறந்த விளையாட்டுத் தொடராக விளங்கி வருகிறது. இதில் தங்கப் பதக்கம் வெல்லும் வீரர்களுக்கு உலகளவில் தலைசிறந்த வீரர் என்ற மகுடமும் கிடைக்கிறது.

இன்று (8ஆம் தேதி) துவங்கி 24ஆம் தேதி வரை நடைபெறும் இப்போட்டியில் மொத்தம் 205 நாடுகளைச் சேர்ந்த 10,700 விளையாட்டு வீரர்கள் பங்கேற்கின்றனர். 2008 ஒலிம்பிக் போட்டிக்காக மொத்தம் 37 விளையாட்டு மைதானங்கள் தயார் செய்யப்பட்டுள்ளன. இவற்றில் 31 பீஜிங்கில் உள்ளது.

இப்போட்டிகளை கண்டு ரசிக்க அய‌ல்நாட்டில் இருந்து 5 லட்சம் சுற்றுலா பயணிகள் பீஜிங்கிற்கு வருவார்கள் என கணிக்கப்பட்டுள்ளது. ஒலிம்பிக் போட்டிகளை நடத்துவதற்காக சீன அரசின் சார்பில் 40 பில்லியன் டாலர் (ஒரு பில்லியன் 100 கோடிக்கு சமம்) செலவிடப்பட்டுள்ளது.

இன்று மாலை மாலை 5.45 மணியளவில் துவங்கும் முதல்கட்ட துவக்க விழா ஒரு மணி நேரம் 15 நிமிடங்கள் நடக்கிறது. இதில் அந்நாட்டு தேசிய மற்றும் உள்ளூர் அளவில் 28 கலாசார நிகழ்ச்சிகள் இடம்பெறுகின்றன. இந்தக் கலைநிகழ்ச்சிகளில் 15,000 கலைஞர்கள் பங்கேற்க உள்ளனர்.

இதைத் தொடர்ந்து 7 மணியளவில் பார்வையாளர்கள் அனைவரும் ஒருங்கிணைக்கப்பட்டு, 7.56 மணியளவில் ஒலிம்பிக் போட்டிக்கான இறுதி கவுண்ட்-டவுன் துவங்குகிறது. சரியாக 8 மணிக்கு துவங்கும் ஒலிம்பிக் முக்கிய துவக்க விழா நள்ளிரவு 11.30 மணி வரை நடைபெறும் எனத் தெரிவிக்கப்பட்டுள்ளது.

இதில் 5.45 மணியளவில் துவங்கும் முதற்கட்ட துவக்க விழாவில் ஒலிம்பிக் வளையங்கள் அணிவகுப்பு, போட்டியில் பங்கேற்கும் பல்வேறு சர்வதேச நாடுகளின் தேசியக் கொடி அணிவகுப்பு மற்றும் தேசிய கீதம் பாடுவது உள்ளிட்ட நிகழ்ச்சிகள் 14 நிமிடங்கள் நடைபெறும். இதைத் தொடர்ந்து 2 கட்டங்களாக வண்ணமிகு கலைநிகழ்ச்சிகள் இடம்பெறும்.

துவக்க விழாவின் இறுதி 2 மணி நேரத்தில் வீரர்களின் அணிவகுப்புக்கு இடையே கண்ணைக் கவரும் ஒளியுடன் கூடிய வாண வேடிக்கை நடைபெறும் எனத் தெரிவிக்கப்பட்டுள்ளது.

--
People Of Thambiluvil

--
Posted By thambiluvil to இலங்கை மற்றும் உலக செய்திகள். at 8/08/2008 06:36:00 AM

--
People Of Thambiluvil

உலோக கழிவுகளிலிருந்து உருவாக்கப்பட்ட இயந்திரத்தின் மூலம் உயிர்பிழைத்த சிறுமி

 வீரகேசரி நாளேடு 8/6/2008 9:02:45 PM - கார் திருத்துமிடத்தில் இருந்து பெற்ற உலோகங்களைப் பயன்படுத்தி மருத்துவர் ஒருவரால் சுயமாக வடிவமைக்கப்பட்ட கருவி மூலம், சிறுநீரகம் செயலிழந்த பச்சிளம் குழந்தையொன்று காப்பாற்றப்பட்ட அதிசயம் பிரித்தானியாவில் இடம்பெற்றுள்ளது. மில்லி கெல்லி என்ற இந்தக் குழந்தை, குடல் பகுதி உடலுக்கு வெளியே தள்ளிய நிலையில் பிறந்தது.

இந்நிலையில் மேற்படி குறைபாட்டை சீர்செய்யும் முகமாக சத்திரசிகிச்சையொன்றுக்கு குழந்தை உட்பட்ட சமயம், அதன் சிறுநீரகங்கள் செயலிழக்க ஆரம்பித்தன. இத்தகைய நெருக்கடியான நிலையில் வழமையாக சிறுநீரகம் செயலிழந்த குழந்தைகளுக்கு உபயோகிக்கப்படும் செயற்கை உபகரணத்தை இக்குழந்தைக்கு பொருத்த முடியாத வகையில், குழந்தை மிகவும் சிறியதாக காணப்பட்டதால் என்ன செய்வது என மருத்துவர்கள் திண்டாடினர்.

மேற்படி மருத்துவ சிகிச்சைக்கு தலைமை தாங்கிய மருத்துவர் மல்கொல்ம் கோல்தார்ட், சிரேஷ்ட சிறுவர்கள் சிறுநீரக சிகிச்சை தாதியான ஜீன் குரோஸியர் என்பவருடன் இணைந்து கார் திருத்துமிடத்திலிருந்து பெறப்பட்ட பொருட்களை உபயோகித்து சிறிய சிறுநீர் சுத்திகரிப்பு உபகரணமொன்றை உருவாக்கினார்.

இதனையடுத்து குழந்தையின் சொந்த சிறுநீரகங்கள் குணமடையும் வரை 7 நாட்களுக்கு இந்த உபகரணம் பொருத்தப்பட்டது. இந்த உபகரணத்தின் மூலம், சிறிது சிறிதாக இறப்பை நோக்கிச் சென்று கொண்டிருந்த சிறுமி, தற்போது உயிர் பிழைத்து ஆரோக்கிய நிலையில் காணப்படுவதாக கூறப்படுகிறது.

தனது குழந்தை உயிர் பிழைத்த அதிசயம் குறித்து அதன் தாயாரான ரெபேகா விபரிக்கையில், ""வர்ணப்பூச்சு அடையாளங்களுடன் பச்சை நிறத்தில் காணப்பட்ட அந்த உலோகப் பெட்டி எனது மகளின் உயிரைக் காப்பாற்றப் போகிறது என நான் கனவிலும் நம்பவில்லை. தற்போது எனது மகளுக்கு இரண்டு வயதாகிறது. அவள் தனது சொந்த சிறுநீரகங்களுடன் இயல்பு வாழ்க்கை வாழ்கின்றாள்'' என்று கூறினார்
--
People Of Thambiluvil

பைசா சாயும் கோபுரம் நிமிர்கிறது:

உலக அதிசயங்களில் ஒன்றாக விளங்கிய பைசா நகர சாய்ந்த கோபுரம் ஒரேயடியாக சாய்ந்து விழுந்துவிடாமல் தடுப்பதற்காக நான்கு கோடி டாலர்கள் செலவில் மேற்கொள்ளப்பட்ட ஒரு திட்டம் பலனளித்துள்ளதா என்பதைத் தீர்மானிப்பதற்காக தற்போது சோதனைகள் நடத்தப்பட்டுள்ளன.  சாய்ந்த கோபுரமாது தனது 800 வயது சரித்திரத்தில் இப்போதுதான் முதல் முறையாக சாய்வதை முற்றிலுமாக நிறுத்தியிருக்கிறது என்று சோதனை முடிவுகள் உறுதிசெய்துள்ளன. சாய்வாக நிற்கும் உலகக் கட்டிடங்களிலேயே மிகவும் பிரசித்தி பெற்றதான பைசா கோபுரத்தை சாயாமல் நிறுத்துவதற்கு பத்து ஆண்டுகள் எடுத்திருக்கிறன. கோபுரத்துக்கு அருகில் வடக்கு பக்கத்திலிருந்து பூமியைத் தோண்டி சுமார் எழுபது தொன் மண்ணை எடுத்திருக்கிறார்கள். அப்படிச் செய்வதன் மூலம் கோபுரம் தானாக நிமிரும் என்று அவர்கள் எதிர்பார்த்தனர். மண்ணைத் தோண்டி எடுத்ததன் பின்பு எதிர்பார்த்ததைப் போலவே கோபுரம் நிமிரத்தொடங்கியது. ஏழு வருடங்களில் சுமார் 48 செண்டிமீட்டர் நிமிர்ந்துவிட்ட நிலையில், தற்போது அந்தக் கோபுரம் முற்றிலுமாக அசைவதை நிறுத்தியுள்ளது. அதன் 800 ஆண்டுகள் சரித்திரத்தில் அது நிலையாக நின்றிருப்பது இதுவே முதல் முறை என்று கட்டிட நிபுணர்கள் கூறியுள்ளனர்.

உலகத்தை காப்பாற்றுவதற்கு 100 மாதங்கள் மட்டுமே அவகாசம்

  அபாயமிக்க பூகோள வெப்பமாதலிலிருந்து பூமியைப் பாதுகாக்க, 100 மாத கால அவகாசம் மட்டுமே உள்ளதாக ஆராய்ச்சியாளர்கள் எச்சரிக்கை செய்துள்ளனர்.

இதன் பிரகாரம் கால நிலை மாற்றம், எரிபொருள் மற்றும் நிதி போன்ற தற்போதைய பிரச்சினைகளுக்கு தீர்வு காண்பதற்கு புதிய உடன்படிக்கையொன்று ஏற்படுத்திக் கொள்ளப்படுவது அவசியГ¶மன "கிறீன் நியூ டீல்' குழு என்ற அமைப்பு எச்சரிக்கை விடுத்துள்ளது.

மேலும் இவ்வமைப்பால் வெளியிடப்பட்ட அறிக்கையில் புதுப்பிக்கக் கூடிய சக்தி வளங்கள் மீதான பிரதான முதலீடு, சுற்றுச் சூழல் பாதுகாப்பை உறுதிப்படுத்தும் வகையிலான ஆயிரக்கணக்கான தொழில் வாய்ப்புக்கள் என்பன உட்பட பல்வேறு திட்டங்கள் முன்வைக்கப்பட்டுள்ளன.

2008 ஆம் ஆண்டுக்கான உலக அழகியாக வெனிசுலாவின் டயானா மொண்டோஸா

 

 

2008 ஆம் ஆண்டுக்கான உலக அழகியாக வெனிசுலா நாட்டின் இருபத்து இரண்டு வயதான டயானா மொண்டோஸா

தெரிவு செய்யபட்டுள்ளார்

பாடல்கள் நிறைந்த "மம்மா மியா' பிரித்தானிய திரையுலகில் வசூல் சாதனை

  22 பாடல்களைக் கொண்ட ஆங்கிலத் திரைப்படமான "மம்மா மியா', திரையிடப்பட்ட முதல் வாரத்தில் 5.2 மில்லியன் ஸ்ரேலிங் பவுனை வருமானமாக ஈட்டி பிரித்தானிய திரையுலகில் வசூல் சாதனை படைத்துள்ளது.

மெரில் ஸ்றீப், பியர்ஸ் பிரொஸ்னன் மற்றும் கொலின் பிர்க் ஆகியோரின் நடிப்பில் உருவான இத்திரைப்படம், வீரசாகச "ஹான்கொக்' திரைப்படத்தை இரண்டாமிடத்திற்கு தள்ளியுள்ளது. "ஹான்கொக்' திரைப்படத்தின் வருமானம் 3.6 மில்லியன் ஸ்ரேலிங் பவுனாகும்.

அதேசமயம் "குங் பு பண்டா' 2.8 மில்லியன் ஸ்ரேலிங் பவுனையும் "பிரின்ஸ் கஸ்பியன்' 934,561 ஸ்ரேலிங் பவுனையும் "போர்பிடின் கிங்டம்' 824, 586 ஸ்ரேலிங் பவுனையும் வருமானமாக ஈட்டி முறையே வசூலில் 3 ஆம், 4 ஆம், 5 ஆம் இடங்களைப் பெற்றுள்ளன.

ஆசிய கோப்பை: இலங்கை அணி மீண்டும் சாம்பியன்

மீண்டும் ஒரு முறை இறுதிப் போட்டி வரை வந்து கோப்பையைக் கோட்டை விட்டுள்ளது இந்திய கிரிக்கெட் அணி. நேற்று கராச்சியில் நடந்த ஆசியக் கோப்பைக் கிரிக்கெட் போட்டியின் இறுதி ஆட்டத்தில் 100 ரன்கள் வித்தியாசத்தில் இலங்கையிடம் தோற்றது இந்திய அணி. இந்தியாவை நான்காவது முறை ஆசியக் கோப்பை இறுதியில் இலங்கை அணி தோற்கடித்துள்ளது. இந்திய அணியின் 6 முக்கிய விக்கெட்டுகளை வீழ்த்தி, சாம்பியன் பட்டத்தை இலங்கை தக்க வைத்துக் கொள்ள உதவினார் சுழற்பந்து வீச்சாளர் மெண்டிஸ். டாஸில் வென்ற இந்திய கேப்டன் டோணி முதலில் இலங்கையை பேட் செய்யச் சொன்னார். ஜெயசூர்யாவும், சங்கர்க்கராவும் இலங்கையின் இன்னிங்ஸைத் துவக்கினர். இரண்டாவது ஓவரில் சங்கர்க்கரா ரன் அவுட் ஆனார். அவரைத் தொடர்ந்து வந்தவர்களும் சொற்ப ரன்களில் பெவிலியன் திரும்பினர். ஆனால் ஜெயசூர்யா மட்டும் அசரவில்லை. வெளுத்துக் கட்டினார். 56 ரன்களை அவர் எடுத்திருந்தபோது, ஒரு கடினமான கேட்சை கோட்டை விட்டார் ஆர்பி சிங். அதன் விளைவு, அவரது அடுத்த ஓவரிலேயே 3 சிக்ஸர்கள் 2 பவுண்டரிகள் என விளாசித் தள்ளினார் ஜெயசூர்யா. 76 பந்துகளில் தனது 27-வது சத்த்தைப் பூர்த்தி செய்தார் ஜெயசூர்யா.
ஆனால் அதன்பிறகு அவரால் அதே பாணியில் ஆட முடியவில்லை. களைத்துப் போன ஜெயசூர்யா, 125 ரன்களை எடுத்திருந்த நிலையில் ஷேவாக் பந்தில் இஷாந்துக்கு கேட்ச் கொடுத்து வெளியேறினார். அவரையடுத்து தில்ஷன் 56 ரன்களில் ஆட்டமிழந்தார். இந்த இருவரும்தான் இலங்கை அணி நல்ல ஸ்கோரை எட்ட உதவினர்.
டெய்ல் எண்டர்ஸ் எனப்படும் வாஸ் மற்றும் குலசேகரா இருவரும் அதிரடியாக 60 ரன்களுக்கு மேல் குவித்தனர்.
இந்தியத் தரப்பில் ஆர்பிசிங், இஷாந்த் சர்மா தலா 3 விக்கெட்டுகளை வீழ்த்தினர். பதான் இரு விக்கெட்களை வீழ்த்தினார்.
மிரட்டலான துவக்கம்
இந்திய அணியின் துவக்கம் மிரட்டலாக இருந்த்து. ஷேவாக்கின் ஆட்டம் அதிரடியாய் அமைந்த்து. வெறும் 26 பந்துகளில் அரை சதத்தை எட்டினார் ஷேவாக். ஆனால் மறுமுனையிமல் கம்பீர் 6 ரன்களில் பெவிலியன் திரும்பினார்.
அஜந்தா மெண்டிஸ் பந்து வீச்சைத் துவக்கியதுமே ஆட்டத்தின் போக்கு அடியோடு மாறியது. அடுத்தடுத்து விக்கெட்டுகதளைப் பறிகொடுத்த இந்திய அணி, 50 ஓவர்கள் கூட தாக்குப் பிடிக்க முடியாமல் 39.3 வது ஓவரிலேயே அனைத்து விக்கெட்டுகளையும் இழந்தது. இலங்கை அணி மீண்டும் ஆசியக் கோப்பை சாம்பியனானது. ஆட்ட நாயகன், தொடர் நாயகன் விருதுகள் அஜந்தா மெண்டிஸூக்கு வழங்கப்பட்டன.
இந்திய அணி 4 முறை ஆசியக் கோப்பையை வென்றுள்ளது. ஆனால் அதெல்லாம் பதிமூன்று வருடங்களுக்கு முந்தைய கதை. அதன்பிறகு தொடர்ந்து இலங்கை, பாகிஸ்தான் அணிகள்தான் இந்தக் கோப்பையை வென்று வருகின்றன.
கடந்த 10 ஆண்டுகளாக இலங்கைக்கு எதிரான ஒரு இறுதிப் போட்டியில் கூட இந்தியா வென்றதில்லை என்பது குறிப்பிடத்தக்கது.

டைடானிக் மேலங்கியொன்று ஏலத்தில் 68,500 அமெரிக்க டொலருக்கு விற்பனையாகியுள்ளது

ஆம் ஆண்டு மூழ்கிய "டைட்டானிக்' கப்பலிலிருந்த உயிர் காப்பு மேலங்கியொன்று, நியூயோர்க்கின் கிரிஸ்ரி ஏல விற்பனை நிலையத்தில் புதன்கிழமை இரவு நடைபெற்ற ஏலத்தில் 68,500 அமெரிக்க டொலருக்கு விற்பனையாகியுள்ளது. மேற்படி கப்பலிலிருந்த பெட்டியொன்றில் இருந்து மீட்கப்பட்ட 6 உயிர் காப்பு மேலங்கிகளில் இந்த மேலங்கியும் ஒன்று என்பது குறிப்பிடத்தக்கது.

கூகிளும் அதன் வரலாற்றுப் பாதையும் ஒருப் பார்வை

இன்றைய இணைய உலகிள் கூகிள் நமக்குத் தரும் சேவைகளோ ஏராளம் ஏராளம்.எனவே இந்த கூகிள் நிறுவனத்தையும் அதன் வரலாற்றையும் ஒரு சிறிய பார்வையிடுவோம்.கலிபோர்னியா Stanford University இசுடான்போர்ட் பல்கலைக்கழகத்தில் சேர்ஜி பிரின் (Sergy Brin) லெரி பேஜ் (Larry Page) எனும் இரண்டு கலாநிதிப் பட்டப்படிப்பு மாணவர்கள் தமக்கு வழங்கப்பட்ட ஒரு ஆராய்ச்சிக்காக தொடங்கிய ஒரு முயற்சியே கூகிள் எனும் தேடு இயந்திரம் தோன்றுவதற்கான காரணமானது எனலாம்.இது இசுடான்போர்ட் பல்கலைக்கழகத்தின் ஒரு ஆராச்சிக்கான விடயமாக மட்டும் இருந்தப்போதிலும். பிறகு சேர்ஜி பிரின் மற்றும் லெரி பேஜ் இருவரும் இந்த ஆய்வை, ஒரு தேடு இயந்திரத்திற்கான ஆய்வாக முன்னெடுத்தனர்.தேடும் ஒரு சொல் அல்லது விடயம் எந்தெந்த இணைய பக்கங்களிலிருந்தாலும் அதை அலசி ஆராய்ந்து நமது தேடலுக்குறிய பக்கங்களை தேடுபதிலாக பட்டியலிடும் தொழில் நுட்ப முறையை சிறந்ததாக இவர்கள் கருதினர்.இது இவர்களின் இசுடான்போர்ட் பல்கலைக்கழகத்தின் தமது பட்டப்படிப்பிற்கான ஆராய்ச்சியாக மட்டும் இருந்தப்போதிலும் தமது ஆராய்ச்சியின் பயனாக, இசுடான் போர்ட் பல்கலைக்கழகத்தின் பக்கங்களை தேடுவதற்கான ஒரு தேடு இயந்திரமாக "google.standford.edu" எனும் (டொமைன்) பெயரில் பாவனைக்கும் உற்படுத்தப்பட்டது.ஆனால் 1998 ஆகஸ்ட் மாதம் இவர்கள் தமது நன்பர் ஒருவரது வீட்டு கார் நிறுத்தகத்தில் அதிகாரபூர்வமாக கூகிள் நிறுவனத்தை வர்த்தக நோக்குடன் ஆரம்பித்தனர். அதே மாதம் 1998 ஆகஸ்ட் 15 ம் திகதியே http://www.google.com/ என பதிவுசெய்யப்பட்டது.இவர்களின் இந்த புதிய நிறுவனத்திற்கு முதலீடு செய்ய பலரை அணுகி இறுதியில் ஒருவாறு 1.1 மில்லியன் டொலர்களை தேடிக்கொண்டு கூகிள் தனது செவையை தொடர்ந்தது.கார் நிறுத்தகத்திலிருந்த இந்த நிறுவனம் 1999 மார்ச் மாதம் Silicon Valley எனும் இடத்திற்கு இடமாற்றப்பட்டது.இந்நிறுவனத்தின் அபார வளர்ச்சியாலும் இடப்பற்றாக்குறையினாலும் இவர்களது இந்த நிறுவனத்தை வேறு ஒரு பெரிய கட்டிடத்திற்கு மாற்ற வேண்டிய தேவையேற்பட்டது. எனவே 2003 ம் ஆண்டு வேறு ஒரு கட்டிடத்தை வாடகைக்குப் பெற்றனர். அந்த கட்டிடத்திற்கு Googleplex என்று பெயரிட்டனர்.2006 ம் ஆண்டு அதே கட்டிடத்தை 319 மில்லியன் டொலர்களுக்கு கூகிள் நிறுவனம் விலைக்கு வாங்கிக்கொண்டது.கூகிளின் தேடு இயந்திர தொழில் நுட்பம் 2001 செப்டம்பரில் காப்புரிமை செய்யப்பட்டது. அத்துடன் இசுடான்போர்ட் பல்கலைக்கழகத்திலும் அதிகாரபூர்வ காப்புரிமையிலும் பட்டியலிடப்பட்டது.2004 ஆகஸ்ட் 19 ம் திகதி கூகிள் இந்நிறுவனத்தை ஒரு பொது நிறுவனமாக பதிவு செய்துக்கொண்டது.கூகிள் தமது தேடு இயந்திரத்தினூடாக புதியபுதிய மாற்றங்களைச் செய்து இணைய பாவனையாளர்களை வெகுவாக கவர்ந்தது. 2000 ம் ஆண்டிலிருந்து தேடு இயந்திரத்தில் தேடப்படும் சொல் அல்லது விடயம் தொடர்பான தேடுபதில்களுடன் விளம்பரங்களையும் இணைத்து அதனூடாகவும் வருமானத்தை ஈட்டியது.2007 செப்டம்பர் 30 ம் திகதி கணக்கெடுப்பின் படி இந்த நிறுவனத்தின் முழுநேர பணியாளர்களாக 15, 916 இருப்பதாக கணக்கிடப்பட்டது.NASDAQ இல் பட்டியலிடப்பட்ட பொது நிறுவனங்களில் கூகிளே பெரியதாகும்.லெரி பேஜ் , சேர்ஜி பிரின் ஆகிய இவர்களால் உருவாக்கப்பட்ட கூகிள் NASDAQ பங்குச்சந்தையில் 2004 ஓகஸ்ட் 19 ம்திகதி 1.67 பில்லியன் டொலர்களுக்கு பங்குகள் விற்பனையாகின. அத்துடன் 23 பில்லியன் டொலர்களுக்கும் மேலாக கூகிள் நிறுவனம் மதிப்பாகியிருந்ததும் கூறிப்பிடத்தக்கது.இன்று பல நூற்றுக்கணக்கான தேடு இயந்திரங்கள் தோன்றியுள்ளப்போதும் 87% வீதமானோர் கூகிள் தேடு இயந்திரத்தையே பாவிக்கப்படுவதாக கணிப்புகள் குறிப்பிடுகின்றன.Googol எனும் பெயரே எழுத்துப்பிளையாக தட்டச்சு செய்யப்பட்டதால் Google என்று இடப்பட்டுவிட்டதாகவும் கூறப்படுகிறது. Googol என்றால் 1 ன்றுடன் 100 பூச்சியங்களை இணைத்தால் வரும் என்னிக்கையை குறிக்கும் சொல்லாகும்.எப்படியோ Googol எனும் வார்த்தை Google என்று தவராக தட்டச்சப்பட்டது என்றாலும், Google எனும் ஒரு வார்த்தைக்கு இன்று உலகளவில் எல்லா மொழியிலுமே பயன்படும் ஒரு சொல்லாகிவிட்டது.இந்தச் சொல்லை 2006 ல் ஒக்ஸ்போர்ட் அகராதியிலும் ஒரு சொல்லாக புகுத்தப்பட்டுள்ளது. “கூகிள்” எனும் வார்த்தைக்கான அர்த்தமாக "இணையத்தில் தகவல்களை தேடுவதற்கான ஒரு தொழில் நுட்பச் சொல்" என்று குறிப்பிடப்பட்டுள்ளது.எப்படியோ இன்று இணையத்தில் நூற்றுக்கணக்கான தேடு இயந்திரங்கள் தோன்றியுள்ளப் போதும் எல்லோருடைய மனதிலும் நின்றுவிட்ட ஒரு ஈடு இணையற்ற தேடு இயந்திரம் “கூகிள்” எனும் நிலை ஆகிவிட்டது. ஒரு நாளைக்கு பல பில்லியன் கணக்கான வார்த்தைகளை கண்னிமைக்கும் நேரத்தில் தேடித்தரும் ஒரு தேடு இயந்திரமாக வளர்ந்து நிற்கிறது.அத்துடன் நின்றுவிடாது படிப்படியாக தொடர்ந்த கூகிளின் செயல்திட்டங்கள் புதிய பொருட்களின் வடிவமைப்பு, மற்றைய நிறுவனங்களை கொள்முதல் செய்தல், பங்குதாரர்கள், விளம்பரங்கள், வியாபார யுக்திகள் என இனையத்தில் பலத்துறைகளிலும் புகுந்து விளையாடுகிறது."Don't be evil" எனும் வார்த்தையை தமது சுலோக வார்த்தையாக பாவித்துவரும் கூகிள் நிறுவனம் பேயாகாமல், மற்ற எல்லா இணையத் தொழில் நுட்பத்தையும் (கடந்து + உள்) கடவுளாக பல நன்மைகளையும் பயன்களையும் அள்ளி வழங்கிக்கொண்டிருக்கின்றது.இந்த கூகிள் கடவுள் நமக்கு அள்ளி வழங்கும் சேவைகள் ஒன்றா? இரண்டா? "கூகிளும் அது தரும் பயன்களும்" எனும் எனது அடுத்த பதிவில் அவற்றை பார்க்கலாம்

சுவாமி தந்திரதேவா மகராஜ் காலமானார்

அமெரிக்க நாட்டு இந்து மதத் துறவியும் அகில இலங்கை இந்து சமய அபிவிருத்திச் சபைத் தலைவருமான ஸ்ரீமத் சுவாமி தந்திரதேவா மகராஜ் இன்று திங்கட்கிழமை அதிகாலை 3.00 மணிக்கு அவருடைய 58 ஆவது வயதில் இறைபதம் அடைந்தார்.
கடந்த சில தினங்களாக திருகோணமலை வைத்தியசாலையில் சிகிச்சை பெறறு வந்த அவர் சிகிச்சை பலனளிக்காத நிலையில் இயற்கை எய்தியுள்ளார். Lawrence Anthony Schafaka என்ற இயற்பெயர் கொண்ட அவர் 1950 ஆம் ஆண்டு ஜூன் மாதம் 16 ஆம் திகதி பென்சில்வேனியாவில் பிறந்தார். 20 வயதில் இந்து மதத்தில் நாட்டம் கொண்டு இந்தியா சென்று இந்து சமயத்தைத் தழுவி தமிழையும் சமஸ்கிருதத்தையும் கற்று தந்திரதேவா என்னும் துறவிப் பெயர் பூண்டு இந்து மத துறவியானார்.
பின்னர் இலங்கை வந்த இவர் 1983 ஆம் ஆண்டில் பாடல் பெற்ற தலைமான திருகோணமலையில் உவர் மலையில் ஆசிரமம் அமைத்து அங்கு நிரந்தரமாக தங்கினார். இலங்கை உட்பட 23 நாடுகளில் இந்து சமயப் பணிகளிலும் பிரசாரங்களிலும் ஈடுபட்டதுடன் ஆன்மீக சொற்பொழிவுகளையும் ஆற்றி வந்தார்.
பசுவதைக்கு எதிராகவும் எம்மதமும் சம்மதம் என்ற கொள்கைக்கும் எதிரானவரான சுவாமி நாட்டின் பல பகுதிகளிலும் அனாதை இல்லங்களை அமைத்து அவற்றை பராமரிப்பதற்கு உதவிகளை வழங்கி வந்துள்ளார். அத்துடன் ஆலயத் திருப்பணிகளுக்கும் விதவைகளுக்கும் அறநெறிப் பாடசாலை மாணவர்களுக்கும் வறிய மாணவர்களுக்கும் வேண்டிய உதவிகளை நல்கியுள்ளார்.
அத்துடன் ஞானகோசம் உட்பட பல நூல்களையும் துண்டுப் பிரசுரங்களையும் கை நூல்களையும் ஆக்கிய பெருமை சுவாமிகளைச்ய சாரும். எண்ணம் சொல் செயல் ஆகிய மூன்று செயற்பாடுகளினாலும் இந்து ஒருவன் உண்மையான இந்துவாக வாழ வேண்டும் என்பதை வாழ்ந்து காட்டியவர் அவர். இறக்கும் வரை அவர் பாதரட்சை அணிந்ததில்லை. தொலைக்காட்சி பார்ப்பதையும் வானொலி கேட்பதையும் அவர் தவிர்த்து வந்தார்.
News from - thisanthan
எமது நன்றிகள் thisanthan.....

போர்ச்சுகலை வென்றது ஜெர்மனி-அரை இறுதிக்கு தகுதி!

பாசல்: ஐரோப்பிய கோப்பை கால்பந்து போட்டியின் முதல் காலிறுதிப் போட்டியில் போர்ச்சுகல் அணியை வீழ்த்தி அரை இறுதிச் சுற்றுக்கு முன்னேறியது ஜெர்மனி.ஐரோப்பிய கால்பந்து திருவிழா முக்கிய கட்டத்தை நெருங்கியுள்ளது. காலிறுதிப் போட்டிகள் தொடங்கியுள்ளன. பாசல் நகரில் நடந்த முதலாவது காலிறுதிப் போட்டியில் ரசிகர்களின் மனம் கவர்ந்த போர்ச்சுகல் அணியும், வலுவான ஜெர்மனியும் சந்தித்தன.மிகவும் விறுவிறுப்பாக இருந்த இந்தப் போட்டியில் இரு அணிகளும் அபாரமாக ஆடின. இரு அணிகளும் மாறி மாறி கோல் போட்டதால், வெற்றி யாருக்கு என்பதில் பரபரப்பு ஏற்பட்டது. ஆனால் அதிர்ஷ்டமும், சிறப்பான ஆட்டமும் ஜெர்மனிக்கு துணை நிற்க அந்த அணி போர்ச்சுகலை வீழ்த்தியது.முதல் பாதி ஆட்டத்தில் போர்ச்சுகலின்ஆதிக்கமே மேலோங்கியிருந்தது. இருப்பினும் போர்ச்சுகலின் அரண்களைத் தடுத்து ஜெர்மனி சிறப்பாக ஆடியது.ஜெர்மனி அணிக்கான முதல் கோலை பாஸ்டியன் ஸ்வென்ஸ்டீகர் போட்டார். இவர் சமீபத்தில்தான் தடை விதிக்கப்பட்டு பின்னர் அது நீக்கப்பட்டு அணியில் இணைந்தவர் என்பது குறிப்பிடத்தக்கது. ஆட்டத்தின் 22வது நிமிடத்தில் இந்த கோலைப் போட்டார் பாஸ்டியன்.அடுத்த கோலை மிரஸ்லோவ் குளோஸ் போட்டு ஜெர்மனிக்கு முன்னிலை தேடித் தந்தார்.ஹாப்டைமின்போது போர்ச்சுக்கலுக்கு அதிர்ஷ்டம் அடித்தது. அந்த அணியின் நுனோ கோமஸ் ஒரு கோலைப் போட்டு அணிக்கு தைரியத்தை ஏற்படுத்தினார்.ஆட்டத்தின் 61வது நிமிடத்தில் ஜெர்மனிக்கு மீண்டும் கோல் கிடைத்தது. கேப்டன் மைக்கேல் பாலக், பாஸ்டியனிடமிருந்து வந்த பந்தை கோல் போஸ்ட்டுக்குள் தள்ளி 3வது கோலைப் போட்டார்.ஆனால் 87வது நிமிடத்தில் போர்ச்சுகல் அணியின் ஹெல்டர் போஸ்டிகா ஒரு கோலை அடித்ததால் ஆட்டத்தில் விறுவிறுப்பு கூடியது. 3-2 என்ற கணக்கில் ஆட்டம் விறுவிறுப்பான கட்டத்தை எட்டியது. இருப்பினும் அதன் பின்னர் போர்ச்சுகல் கோல்அடிக்காமல் ஜெர்மனி வீரர்கள் தடுப்பாட்டத்தில் ஈடுபட்டனர். இறுதியில், 3-2 என்ற கோல் கணக்கில் ஜெர்மனி வென்று அரை இறுதிக்கு முன்னேறியது.இந்த வெற்றியின் மூலம் நான்காவது முறையாக சாம்பியன் பட்டத்தை வெல்லும் வாய்ப்பை பிரகாசப்படுத்திக் கொண்டுள்ளது ஜெர்மனி.ஆட்ட நாயகனாக பாஸ்டியன் தேர்ந்தெடுக்கப்பட்டார்.இன்று குரோஷியாவும், துருக்கியும் 2வது காலிறுதிப் போட்டியில் மோதுகின்றன. இதில் வெற்றி பெறும் அணியுடன் ஜெர்மனி அரை இறுதிப் போட்டியில் சந்திக்கும்

உலகின் முதலாவது தேவாலயம் கண்டுபிடிப்பு

ஜோர்தானில் 2000 ஆம் ஆண்டுகளுக்கு முன்பு நிர்மாணிக்கப்பட்ட உலகின் முதலாவது தேவாலயத்தை அகழ்வாராய்ச்சியாளர்கள் கண்டுபிடித்துள்ளனர். ""வட ஜோர்தானில் சிரிய எல்லைப் பகுதியில் புதையுண்டநிலையில் கண்டுபிடிக்கப்பட்டுள்ள இத் தேவாலயமானது ஆரம்பகால கிறிஸ்தவர்களால் ஸ்தாபிக்கப்பட்டது என நம்புவதாக ஜோர்தானின் நிஹாப் அகழ்வாராய்ச்சி நிலையத்தின் தலைவர் அப்துல் காதர் ஹுசைன் தெரிவித்தார்.

உலகின் மிகச் சிறந்த நகராக டென்மார்க் தலைநகர் தெரிவு

உலகில் மக்கள் வாழ்வதற்கு உகந்த மிகச் சிறந்த நகரமாக டென்மார்க் தலைநகர் சொபென்ஹஜன் அண்மையில் மேற்கொள்ளப்பட்ட ஆய்வொன்றில் தெரிவு செய்யப்பட்டுள்ளது.

உயர்மட்ட வாழ்க்கை முறை, உன்னத கட்டமைப்பு,சிறந்த போக்குவரத்து வசதிகள், உணவகங்கள் சுற்றுச் சூழல் அனுகூல நிலை என்பன போன்ற அம்சங்களைக் கருத்திற்கொண்டே டென்மார்க் தலைநகர் சிறந்த நகரமாக தெரிவு செய்யப்பட்டுள்ளது.

அதேசமயம் உலகப் பிரபல நகரங்களான லண்டன் மற்றும் நியூயோர்க் என்பன மிகச் சிறந்த நகரங்கள் வரிசையில் முதல் 20 இடங்களுக்குள் இடம்பெறத் தவறியுள்ளமை குறிப்பிடத்தக்கது. மேலும் உலகின் மிகச் சிறந்த நகரங்கள் வரிசையில் இரண்டாவது முதல் ஐந்தாவது வரையான இடங்களை முறையே முனிச்,டோக்கியோ, சூரிச், ஹெல்ஸின்கி ஆகிய நகர்கள் பெற்றுள்ளன. அதேசமயம் பாரிஸ் முதல் 10 மிகச் சிறந்த இடங்கள் வரிசையில் இடம்பெற்றுள்ளது

மொரட்டுவ கட்டுபெத்தையில் குண்டு வெடிப்பு, 20 பேர் உயிரிழப்பு, 60க்கு மேற்பட்டோர் காயம்.

மொரட்டுவ கட்டுபெத்தையில் குண்டு வெடிப்பு, 20 பேர் உயிரிழப்பு, 60க்கு மேற்பட்டோர் காயம்.

மொரட்டுவ கட்டுப்பெத்த சுவர்ண சைல பிம்பாரமைய விகாரைக்கு அருகில் இன்று காலை 7.30 அளவில் குண்டு வெடிப்புச் சம்பவம் ஒன்று இடம்பெற்றுள்ளது.

தாய்வானில் புகைப் பிடிக்கும் பழக்கத்துக்கு 4 வயதுச் சிறுவன் அடிமையாம்

- தாய்வான் நாட்டில் உள்ள காவோஷியாங் நகரை சேர்ந்த 4 வயது சிறுவன் ஒருவன்,புகைப் பிடிக்கும் பழக்கத்துக்கு அடிமையாகியுள்ளதாக தெரிய வருகிறது.இந்த சிறுவன் தன் தந்தை வைத்திருக்கும் சிகரெட்டுகளை திருடி புகைப்பதை வழக்கமாக கொண்டுள்ளதாகவும்,புகைப் பிடிக்கும்போது என் தந்தை நல்ல குஸியாக இருப்பார்.இதை பார்த்து தான் நானும் புகை பிடிக்க தொடங்கினேன் என குறிப்பிட்டுள்ளதாக தெரிவிக்கப்பட்டுள்ளது.முதலில் தந்தையிடம் இருந்து திருடியவன்,பின்பு அண்ணனிடம் சிகரெட்டுகளை கடன் வாங்கத் தொடங்கியதாகவும்,அண்ணனுக்கு வயது 9.அவனும் தந்தையிடம் திருடுவதை வாடிக்கையாக கொண்டிருந்ததாகவும்,அண்ணனும்,தம்பியும் புகைப் பிடிப்பதை ஒருநாள் பார்த்த தந்தை,உடனே அவர்களை ஆஸ்பத்திரியில் சேர்த்துள்ளதாகவும் மேலும் தெரிவரும் அதேவேளை,அங்கு அவர்களுக்கு புகைபிடிப்பதை கைவிடுவதற்கான சிகிச்சை அளிக்கப்படுகின்றமை குறிப்பிடத்தக்கது.

ஹாரி பாட்டர் கதைகளை எழுதிய ஜே.கே.ரவுலிங்குக்கு சவால் விடும் 19 வயது பெண்

இங்கிலாந்தைச் சேர்ந்த எழுத்தாளர் ஜே.கே.ரவுலிங். இவர் எழுதிய ஹாரிபாட்டார் கதைகள் இவருக்கு பெயரையும், புகழையும் கொடுத்ததோடு, கோடி கோடியாக பணத்தையும் குவித்தது. உலகக் கோடீஸ்வரர் பட்டியலில் அவர் பெயரையும் சேர்த்தது. இப்போது இங்கிலாந்தில் புதிய எழுத்தாளர் ஒருவர் உருவாகி இருக்கிறார். அவர் பெயர் கேதரைன் பானர். இவருக்கு இப்போது 19 வயதாகிறது. 14 வயது முதலே கதைகள் எழுதி வருகிறார். மாயாஜால உலகில் வாழும் டீனேஜர் லியோ நார்த் என்னும் இளைஞரை மையமாக வைத்து கதைகளை எழுதி வருகிறார். லியோ நார்த் கையில் எழுதப்படாத புத்தகம் கிடைக்கிறது. இந்த புத்தகம் அவரை அதிசய உலகத்துக்கு அழைத்துச்செல்கிறது. இப்படி செல்கிறது கதை. இந்த கதைகள் ஹாரி பாட்டர் கதைகளை போல பிரபலம் அடையும் என்று புத்தக பதிப்பாளர்கள் நம்புகிறார்கள்

சர்வதேச விண்வெளி நிலையத்துடன் ஜப்பானிய ஆய்வு கூடம் இணைப்பு

சர்வதேச விண்வெளி நிலையத்துடன் ஜப்பானிய ஆய்வு கூடம் இணைப்பு
வீரகேசரி இணையம் 6/4/2008 10:03:11 PM - டிஸ்கவரி விண்கலம் மூலம் எடுத்துச் செல்லப்பட்ட 1 பில்லியன் அமெரிக்க டொலர் பெறுமதியான ஜப்பானிய ஆய்வுகூடமானது சர்வதேச விண்வெளி நிலையத்துடன் வெற்றிகரமாக இணைக்கப்பட்டுள்ளது. 16 தொன் எடையுடைய இந்த "கிபோ' ஆய்வு கூடமானது, உயிரியல் மருத்துவம் மற்றும் பௌதீக விஞ்ஞானங்கள் தொடர்பான ஆய்வுக்காக பயன்படுத்தப்படவுள்ளது. இந்த ஆய்வு கூடத்தை சர்வதேச விண்வெளி நிலையத்தில் இணைக்கும் பணியில் விண்வெளி வீரர்களான அகிஹிகோ ஹொஷிடே மற்றும் கரென் நைபேர்க் ஆகியோர் ஈடுபட்டனர். சர்வதேச விண்வெளி நிலையத்தின் இயந்திரக் கரத்தை பயன்படுத்தி சுமார் 6 மணித்தியாலங்கள் அந்தரத்தில் சஞ்சரித்து மேற்படி ஆய்வு கூடத்தை இவ் விண்வெளி வீரர்கள் பொருத்தியுள்ளனர். அத்துடன் இரு வாரங்களுக்கு முன் பழுதடைந்த சர்வதேச விண்வெளி நிலையத்தின் மலசலகூடத்தை திருத்தும் நடவடிக்கையும் மேற்கொள்ளப்பட்டுள்ளது. இந்நிலையில் டிஸ்கவரி விண்கலமானது எதிர்வரும் 14 ஆம் திகதி சனிக்கிழமை பூமிக்குத் திரும்பவுள்ளதாக கூறப்படுகிறது

அன்னையர் தின வாழ்த்துகள்

தம்பிலுவில் chat room உங்களை அன்புடன் வரவேற்கிறது